Samarqand shahridagi 4-son texnikumda “Yangi O‘zbekiston bunyodkorlari – 2026” Respublika kasbiy mahorat milliy tanlovining shahar bosqichi ochilish marosimi ko‘tarinki ruhda tashkil etildi.
Ochilish marosimida Samarqand viloyati Kasbiy ta’lim boshqarmasi boshlig‘i A.A. Nasimov , yoshlarning kasb–hunar egallashi va o‘z salohiyatini namoyon etishida bunday tanlovlarning o‘rni beqiyos ekanligini ta’kidladi hamda barcha ishtirokchilarga omad tiladi.
Shuningdek, texnikum direktori, professor I. Ergashev so‘zga chiqib, ishtirokchilarga omad va muvaffaqiyat tiladilar.
Tadbirda soha mutaxassislari, ustozlar, mahalla fuqarolar yig‘inlaridan ishtirok etayotgan yoshlar hamda mehmonlar qatnashdilar.
Milliy tanlovga rasman start berilib, ishtirokchilar “Payvandlash texnologiyasi” yo‘nalishi bo‘yicha o‘z mahoratlarini namoyish etishni boshladilar.
Barcha ishtirokchilarga yuksak natijalar va muvaffaqiyat tilaymiz!
