Koreya ta’lim muassasalari va Samarqand Kasb-hunarga o’qitish markaz bilan hamkorlikni yanada rivojlantirish maqsadida joriy yilning 7 – 16 yanvar kunlari Samarqand Kasbu-hunarga o’qitish markaziga professor Jun Tak Han boshchiligida Koreya Universitetlarining Ijtimoiy Xizmat Ko’rsatish Uyushmasining bir guruh ko’ngilli o’qituvchi va talabalari tashrif buyurdi.
Tashrifning maqsadi Koreya Universitetlarining Ijtimoiy Xizmat Ko’rsatish Uyushmasining ko’ngilli talabalari markazning Axborot Texnologiyalari bo’limi talabalari uchun 9 kunlik “Coding va Scratch” dasturini o’rgatish va Koreys tili kursi o’quvchilari uchun “Koreys va O’zbek milliy qo’shiq va tamomlarini hamkorlikda o’rganish madaniyat kurslarini tashkil etishdan iborat edi.
Bir hafta mobaynida koreyalik talabalardan markaz o’quvchilari kompiyuter va koreys tilini o’rganish bo’yicha boshlang’ich bilim va ko’nikmalarini o’rganishdi. Bunday hamkorlikdagi kurslar talabalarni mutaxasisligi va xorijiy tillarni o’rganish bo’yicha yanada bilimlarini chuqurlashtirishda yordam beradi.
Bitiruv tadbirida kurs bitiruvchilarga maxsus sertifikat va sovg’alar topshirildi. Markaz talabalari uchun maxsus kursni tashkil etigan Koreya Universitetlarining Ijtimoiy Xizmat Ko’rsatish Uyushmasining ko’ngilli o’qituvchi va talabalariga markaz jamoasi va talabalari nomidan chuqur minatdorchilik bildiramiz.
